Adolygiad – Gwyl Bwyd Stryd, Y Rhath, 15 Rhagfyr 2012

Mae cwpl o wythnosau wedi mynd heibio ers yr Wyl ond gan fod amser rhydd ‘da fi dros y wyliau dyma fi’n meddwl efallai hoffech chi glywed amdani os na chawsoch i gyfle i fynd.

Hon oedd yr ail Wyl o’r fath i gael ei chynnal ym maes parcio’r Mackintosh Institute. Yn ol y son, roedd yr un gyntaf yn hynod o boblogaidd felly penderfynon ni fynd yn weddol gynnar, tua 7, er mwyn gwneud yn siwr bod digon o fwyd ar ol!

image

Gwyl bwyd stryd yn y Mackintosh Institute, Y Rhath, 15 Rhagfyr 2012

Roedd y tywydd yn wlyb, efallai un rheswm nad oedd llawer o bobl yno wrth i ni gyrraedd. Tua dwsin o werthwyr oedd yn bresennol, cymysgiado enwau adnabyddus o’r sîn bwyd lleol ac enwau newydd i fi.

Dyma’r bois o ThaiDee oedd yn gwerthu cawl sbeislyd gyda tofu, cyw iar a coriandr.

image

Gwion a Stephen ar stondin ThaiDee

A dyma’r cawl!

image

Bwytais i daal a reis o stondin Chai Street (tair punt – bargen) ac wedyn i bwdin ces i crêpe siocled a banana, oedd hefyd yn £3.

Roedd mwy o ddewis i’r rhai ohonoch chi sy’n bwyta cig, ond ychydig o stondinau llysieuol neu’n cynnig rhywbeth llysieuol.

image

Yr unig broblem oedd diffyg llefydd addas i eistedd gyda’ch bwyd yn y glaw. Roeddech chi’n cael mynd mewn i’r adeilad ond roedd rhaid i chi wrando ar y band. Tu allan roedd ychydig o gadeiriau o gwmpas tân ond dim byd i atal y glaw.

Gobeithio bydd mwy o wyliau fel hyn yn y dyfodol, ffordd wych i hybu diwylliant bwyd y brifddinas sydd i’w weld fel un sy’n dechrau ffynnu gyda mentrau newydd diddorol.

Advertisements

Ynghylch Richard Nosworthy

Gic, Cenedlaetholwr, Sosialydd
Cafod y cofnod ei gyhoeddi yn Uncategorized a'i dagio yn . Gosod Nod Tudalen i'r ddolen barhaol.

Gadael Ymateb

Rhowch eich manylion isod neu cliciwch ar eicon i fewngofnodi:

WordPress.com Logo

You are commenting using your WordPress.com account. Log Out / Newid )

Twitter picture

You are commenting using your Twitter account. Log Out / Newid )

Facebook photo

You are commenting using your Facebook account. Log Out / Newid )

Google+ photo

You are commenting using your Google+ account. Log Out / Newid )

Connecting to %s