Adolygiad – Satay Hut

Roedd yr wraig mas Nos Wener a gan fy mod i wedi gorffen gweddillion y bwyd yn yr oergell penderfynais i fynd am tec-awe. Nawr mae detholiad eang o lefydd i gael bwyd yn Nhreganna a digon hawdd i golli ambell i le os nad ydych chi’n talu sylw i’r llefydd newydd sy’n agor.

Felly yn Satay Hut, Wyndham Crescent y prynais fy swper Nos Wener. Wrth gyrraedd doedd dim cwsmeriaid eraill yn y lle, sy’n fach, jyst digon o le i ychydig o bobl sefyll o flaen y cownter a chwpl o fyrddau os wyt ti am eistedd.

Mae’r ddau foi sy’n gweithio yno, sy’n dod o wahanol lefydd yn Malaysia, yn gyfeillgar iawn ac roedden nhw’n awyddus i esbonio uchafbwyntiau eu gwlad. Felly gadawais i nid gyda fy mwyd yn unig, ond gyda brochures twristiaeth a oedd adran twristiaeth llywodraeth Malaysia wedi anfon atyn nhw i’w helpu a’u swyddi ychwanegol i hybu’r wlad i Gymry.

O ran y bwyd ei hun, mae’r fwydlen yn fyr, sy’n beth da yn fy marn i (dwi ddim yn disgwyl llawer mewn llefydd gyda bwydlen hir, neu hyd yn oed mwy nac un fwydlen).

Mae’r fwydlen yn cynnwys prydiau nwdls, reis, cig satay a rendang – math o gyri sych.

Nes i ddewis nasi goreng (reis gyda llysiau ac wy) a vegetarian rendang. Tua £5 am bopeth – felly yn wahanol i rai o’i gystadleuwyr mae’n gyfleus i bobl ar eu pennau eu hunain sy eisiau archebu pryd o fwyd llawn gyda amrywiaeth o bethau heb brynu digon i 2.

Bwyd o Satay Hut yn Nhreganna

Bwyd o Satay Hut yn Nhreganna

Roedd blas tebyg i fwyd Thai arno fe, nes i joio. Yn bendant byddai’n mynd nol i brofi’r nwdls a’r pwdinau e.e. Lemongrass & kafir lime cake.

Satay Hut, 2 Wyndham Crescent, Treganna CF11 9EH. Ar gau Nos Sul a Dydd Llun. Ar agor 6-9yh Dydd Mawrth – Dydd Sadwrn & 12-3yh D. Sadwrn & D. Sul.

Advertisements

Ynghylch Richard Nosworthy

Gic, Cenedlaetholwr, Sosialydd
Cafodd y cofnod ei gyhoeddi yn Uncategorized. Gosod Nod Tudalen i'r ddolen barhaol.

2 Ymateb i Adolygiad – Satay Hut

  1. Dywedodd DJ Leekee :

    Ive tried most takeaways around here but have never ventured into The Satay Hut! WIll most certainly give it a whirl soon!

    Hope you are keeping well!

    lee

  2. Dywedodd Dawn Knight :

    Rwy’n aelod o dîm sy’n gweithio ar brosiect pwysig newydd sy’n ymwneud â’r iaith Gymraeg a hoffen ni ofyn am eich help. Tybed a fyddai modd i chi anfon eich cyfeiriad ebost ata i fel ‘mod i’n gallu anfon mwy o wybodaeth, os gwelwch yn dda?
    Cofion,
    Dr Dawn Knight, Prifysgol Newcastle
    CorpwsCymraeg@gmail.com

Gadael Ymateb

Rhowch eich manylion isod neu cliciwch ar eicon i fewngofnodi:

WordPress.com Logo

You are commenting using your WordPress.com account. Log Out / Newid )

Twitter picture

You are commenting using your Twitter account. Log Out / Newid )

Facebook photo

You are commenting using your Facebook account. Log Out / Newid )

Google+ photo

You are commenting using your Google+ account. Log Out / Newid )

Connecting to %s